ရရိုးချေပီးရေ ဒဏ်ရာ
===============

မပါးနတ်တေ အဖြစ်နန့်
အနားသတ်ရေ အချစ်မှာ
ငါ့ပြစ်လို့ရာ ယူဆလိုက်မေ
နင်ပြောရေ မုသားပျားစွာ
အဆိပ်ခပ်ထားမှန်း
အသိကန်းရေ ရင်ခုန်သံကြောင်း
ငါလုံးဝ မမြင်ခ
ပြောထွက်တေနင့် ပါးစက
ရရိုးချေရာလား --။

အပြစ်နာမည်တပ် နင်ရက်စက်ကေလေ့
အသစ်ရှာမက်လို့ ရင်ဖြတ်မမုန်းဝံ့ခသူ
နှလုံးသားက.၏ ရွီးထိုးရေ အချစ်အက္ခရာကို
အပြုံးကား မလှကေလေ့
အဆုံးချ ဇာတ်ဝင်ခန်းကို
နင်ပြောရေ ရရိုးချေအသုံးနန့်
အမျိုးတရာ အနာတိကိုဖန်ဆင်းယင်း
အလွမ်းညခင်းလို့
ဆုံတွိခရေနိ တချို့ကို
အတွေးတစနန့် မှန်းဆယင်း
ညညမှာ ပုံပြင်တပုဒ်အဖြစ်နန့်
ရင်နာဖူးရေ --။

ရရိုးချေပီးရေ အချစ်က
အဆိုးတမာအဖြစ်နန့်
ဖျောက်မရေ ဒဏ်ချက်ကို
မတောက်ပရေ ဝေဒနာကြားမှာ
ငါမဖြေသာကေလေ့
နှင့်အတွက်တော့ခါ ရရိုးရာ --။

(ငှက်ခါးမချေ)